Bou saam aan die volgende generasie Monties
’n Strategiese vennootskapsgeleentheid om jongmense in Montana te ontwikkel, te behou en toe te rus deur ’n nuwe prestasie-gimnasium en ’n talentbehoud- en ondersteuningsinisiatief.
Ons visie
Meer as ’n projek. ’n Belegging in jongmense.
Hoërskool Montana se visie is om ’n omgewing te skep waar jongmense nie net akademies groei nie, maar ook fisies, emosioneel, sosiaal en as leiers ontwikkel. Die nuwe gimnasium-projek en die talentbehoud- en ondersteuningsinisiatief vorm deel van ’n groter plan om Montana se jongmense in hul eie gemeenskap te ontwikkel, te behou en toe te rus vir die toekoms.
“Ons bou nie net fasiliteite nie. Ons bou geleenthede, karakter en toekomsmoontlikhede.”
Fokus
Twee strategiese prioriteite
Die Monties Gimnasium Projek
Die nuwe gimnasium is 'n goedgekeurde projek wat die skool se sportkultuur, kondisionering, prestasievoorbereiding en algemene leerderontwikkeling kan versterk. Die fasiliteit sal verskeie sportsoorte ondersteun en 'n tasbare nalatenskap vir toekomstige generasies skep.
- Goedgekeurde planne beskikbaar
- Ondersteun verskeie sportsoorte
- Help met kondisionering, fiksheid en voorbereiding
- Versterk skooltrots en sportkultuur
- Skep langtermyn gemeenskapswaarde
Talentbehoud- en Ondersteuningsfonds
Hoërskool Montana het reeds begin om finansiële ondersteuning te bied aan kinders met sterk akademiese, sport- of kultuurvaardighede wat in die area bly. Volle leerderondersteuning beloop ± R50 000 per kind per jaar. Maatskappye kan 'n leerder ten volle ondersteun, of bydra tot gedeeltelike ondersteuning om meer leerders te help.
- Reeds aktief: ondersteuning vir talentvolle leerders
- Sport-, akademiese en kultuurondersteuning beskikbaar
- Volle leerderondersteuning: ± R50 000 per kind per jaar
- Gedeeltelike ondersteuning ook moontlik
- Hou plaaslike talent in die gemeenskap
Projekoorsig
Die Monties Gimnasium Projek
Die Monties Gimnasium is ’n goedgekeurde fasiliteitsprojek wat ontwerp is om die skool se sport- en leerderontwikkelingsomgewing te versterk. Die ligging, planne en konsep is reeds beskikbaar. Die volgende stap is om strategiese vennote te betrek wat kan help met befondsing, konstruksie, materiaal, toerusting, dienste en kundigheid.
Nuwe gimnasiumfasiliteit met goedgekeurde planne
Geleë naby die atletiekbaan en hoofpawiljoen
Ontwerp vir verskeie sportkodes en ontwikkelingsbehoeftes
Gimnasium-areas, oefenruimte, hardloopbaan, mans- en damesfasiliteite, ontvangs en ondersteuning
Talentbehoud
Die Gemeenskapsondersteuningsfonds
Hoërskool Montana kompeteer reeds suksesvol teen van die sterkste skole in Gauteng en neem gereeld deel aan topvlak sport- en kultuurkompetisies. Om hierdie standaard te handhaaf en verder te verbeter, is dit noodsaaklik dat ons talentvolle leerders uit ons voedingsgebied by Montana kan bly ontwikkel.
Baie van hierdie leerders ontvang beursaanbiedinge van ander skole en word dikwels gewerf voordat hulle hul hoërskoolloopbaan begin. Deur die Talentbehoudfonds wil ons die geleentheid skep om belowende leerders met uitsonderlike sport-, kultuur- of akademiese potensiaal by Hoërskool Montana te hou.
Hierdie fonds gaan nie net oor individuele leerders nie – dit gaan oor die langtermyn volhoubaarheid van uitnemendheid by Montana. Deur in talentvolle jongmense te belê, help borge om die volgende generasie Monties te ontwikkel en te verseker dat ons skool steeds op die hoogste vlak kan meeding.
Jaarlikse koste per leerder
± R50 000 per jaar
Moontlike borgpakkette
Kies 'n pakket wat jou pas
Goudvennoot
R50 000+
Volle leerderondersteuning
Ontvang
- Hoofblootstelling
- Erkenning op platforms
- Sertifikaat van impak
- Uitnodigings na funksies
- Media-erkenning
Silwervennoot
R25 000+
Gedeeltelike ondersteuningsbydrae
Ontvang
- Erkenning op platforms
- Sertifikaat van impak
- Uitnodigings na funksies
Bronsvennoot
R5 000 – R15 000
Gemeenskapsbydrae tot ondersteuningsfonds
Ontvang
- Erkenning op platforms
- Sertifikaat van impak
"Saam maak ons 'n verskil"-vennoot
Maandelikse bydrae
Klein bydraes van besighede wat saam 'n leerder ondersteun
Ontvang
- Erkenning as deel van die vennootegroep
- Sertifikaat van impak
"Help ons om Montana-talent in Montana te hou. Vandag se belegging in 'n leerder word môre se suksesverhaal vir ons skool en gemeenskap."
Sportborgskap
Raak betrokke as ’n borg by sport
Kies ’n sportsoort om huidige behoeftes, borggeleenthede en moontlike bydraes te sien. Elke bydrae — groot of klein, in kontant of in natura — help om ons leerders praktiese ondersteuning te bied.
Vir sportsoorte sonder ’n gedetailleerde profiel — behoeftes word binnekort bygevoeg.
Praktiese behoeftes
Huidige sportbehoeftes en borggeleenthede
Hierdie behoeftes is saamgestel vanuit gesprekke met sportorganiseerders. Die doel is om praktiese, borgbare geleenthede sigbaar te maak sodat ouers, besighede en ondersteuners kan kies waar hulle wil help.
Alle borggeleenthede is onderhewig aan finale goedkeuring deur Hoërskool Montana. Waar geborgde items gebrandmerk word, sal die skool eers kwotasies en finale goedkeuring bevestig.
Oewerhengel het 18 leerders en kan 4 spanne in die liga inskryf. Die sport het praktiese toerusting, event-ondersteuning en oefennaweek-borge nodig.
Huidige prioriteit
Mieliebomme vir 3 liga-wedstryde
Behoeftelys
- Visvangskoene
- Gooivingers / handskoene
- Hoede
- Mieliebomme vir liga-wedstryde
- Borg vir oefennaweke
- Borg vir kampnaweek
- Sonblok
- Visvangsambrele met vents
- Kiepnette
- Skepnette
- Branded six-pack koelerbokse
- Afslag of toegang by damme / visvangplekke
Moontlike borgvennote
Hengelwinkels, buitelugwinkels, plaaslike besighede, damme of oorde.
Moontlike erkenning
Borge kan, afhangend van die tipe bydrae, erkenning ontvang op Hoërskool Montana se kommunikasiekanale, Monties Sport, KlubMonties, D6, sosiale media, event-terugvoer, foto’s en waar moontlik op geborgde items.
Belastingvoordeel
Artikel 18A: ’n Verdere voordeel vir kwalifiserende bydraes
Vir kwalifiserende bydraes kan Hoërskool Montana, waar toepaslik, ’n Artikel 18A-sertifikaat uitreik. Dit bied aan donateurs en besighede die moontlikheid om hul bydrae as ’n belastingaftrekbare skenking te hanteer, onderhewig aan toepaslike vereistes.
Ons sal graag met elke potensiële vennoot bevestig hoe hul spesifieke bydrae gestruktureer kan word en watter dokumentasie beskikbaar gestel kan word.
Nota: Donateurs word aangeraai om hul eie belastingadviseur te raadpleeg oor die hantering van hul spesifieke bydrae.
Uitnodiging
’n Uitnodiging aan strategiese vennote
Hoërskool Montana nooi besighede, gemeenskapsleiers, oud-leerders, ouers, diensverskaffers en strategiese vennote uit om deel te word van die Monties Gimnasium-projek en die Talentbehoud- en Ondersteuningsfonds.
Hierdie is ’n geleentheid om nie net ’n bydrae te maak nie, maar ’n nalatenskap te help bou. Deur befondsing, materiaal, dienste, konstruksie, toerusting, kundigheid of netwerkverbindings kan vennote help om Montana se jongmense te ontwikkel, te behou en toe te rus.
“Ons soek nie net borge nie. Ons soek vennote wat saam met ons aan die volgende generasie kan bou.”
Vennootskap
Moontlike vennootskapsopsies
Elke vennootskap word saam met die skool gestruktureer om sinvol, sigbaar en gepas te wees.
Hoofvennoot: Monties Gimnasium
'n Hoofvennoot kan 'n groot rol speel om die gimnasium-projek moontlik te maak deur befondsing, konstruksie, materiaal of 'n kombinasie van bydraes.
Erkenning
- Prominente erkenning op of binne die fasiliteit
- Erkenning op Hoerskool Montana se webblad
- Erkenning op KlubMonties se platform
- Sosiale media en skoolkommunikasie
- Erkenning tydens 'n amptelike bekendstelling
- Moontlike naam- of titelverbintenis vir groot bydraes
Konstruksie- en Diensvennoot
Besighede kan prakties help deur dienste, materiaal, arbeid, projekbestuur of spesialiswerk te borg.
Voorbeelde
- Bouwerk
- Elektriese werk
- Loodgieterswerk
- Vloerbedekking
- Vensters en deure
- Afwerkings
- Sekuriteit
- Signage
- Projekbestuur
Gimnasium-toerusting Vennoot
'n Vennoot kan help om die binnekant van die gimnasium funksioneel en professioneel toe te rus.
Voorbeelde
- Gewigte
- Kondisioneringstoerusting
- Vloeroppervlaktes
- Fiksheidstoetse
- Hersteltoerusting
- Berging
- Veiligheidstoerusting
Talentbehoud- en Ondersteuningsvennoot
'n Vennoot kan bydra tot 'n fonds wat reeds aktief finansiële ondersteuning bied aan talentvolle leerders in die area. Volle leerderondersteuning beloop ± R50 000 per kind per jaar.
Voorbeelde
- Goudvennoot: R50 000+ (volle leerderondersteuning)
- Silwervennoot: R25 000+ (gedeeltelike ondersteuningsbydrae)
- Bronsvennoot: R5 000 – R15 000 (gemeenskapsbydrae)
- "Saam maak ons 'n verskil"-vennoot (maandelikse bydrae)
Founding Legacy Partner
Hierdie opsie gee aan besighede, families, oud-leerders of individue die geleentheid om deel te wees van die stigtingsgroep wat die projek moontlik maak.
Erkenning
- Donor wall of legacy wall
- Webblad-erkenning
- Launch-erkenning
- Langtermyn assosiasie met die projek
In-Kind Contribution Partner
Nie elke bydrae hoef kontant te wees nie. Materiaal, dienste, toerusting, afslag, kundigheid of netwerkverbindings kan 'n groot verskil maak.
Voorbeelde
- Materiaal teen kosprys
- Gratis of afslagdienste
- Professionele konsultasie
- Toerusting
- Vervoer
- Projekbeplanning
- Verwysings na ander potensiele vennote
Erkenning
Erkenning en sigbaarheid
Enige betekenisvolle bydrae tot die Monties Gimnasium-projek of Talentbehoud- en Ondersteuningsfonds sal met waardigheid en dankbaarheid erken word. Die skool wil graag vennote eer op ’n manier wat professioneel, sigbaar en gepas is.
- Erkenning op Hoërskool Montana se webblad saam met ander borge
- Erkenning op KlubMonties se platform
- Sosiale media blootstelling
- Foto’s en projekopdaterings
- Erkenning tydens amptelike bekendstellings of oorhandigings
- Moontlike naam- of titelverbintenis vir groot bydraes
- Donor wall of legacy wall
- Dankie-kommunikasie aan ouers en gemeenskap
- Erkenning by relevante skool- of sportgeleenthede
Impak
Die impak van hierdie vennootskap
Meer leerders kry toegang tot kwaliteit sportvoorbereiding
Talentvolle kinders kry rede om in die Montana-area te bly
Die skool word meer kompeterend teenoor ander top skole
Jongmense ontwikkel dissipline, fiksheid en selfvertroue
Sportspanne kan beter voorberei vir ligas, toere en kompetisies
Leerders met potensiaal kry toegang tot geleenthede
Die gemeenskap sien ’n tasbare voorbeeld van samewerking
Besighede, kerke, ouers en oud-leerders bou saam ’n nalatenskap
Kom bou saam
Ons nooi besighede, gemeenskapsleiers, oud-leerders, ouers en strategiese vennote uit om saam met Hoërskool Montana te gesels oor hoe hierdie visie prakties moontlik gemaak kan word.
Of die bydrae groot of klein is, kontant of diensgebaseerd, elke vennoot kan help om die volgende generasie Monties te ontwikkel, te behou en toe te rus.